Zelenski Ramazan bayramı münasibətilə təbrik mesajı paylaşıb
Ukrayna Prezidenti Volodimr Zelenski Ramazan bayramı münasibətilə türk, ərəb və ingilis dillərində təbrik mesajı yayımlayıb.
Crossmedia.az xarici mediaya istinadən bildirir ki, Zelenski X hesabında paylaşdığı mesajda Ukrayna və dünya müsəlmanlarını Fitr bayramı münasibətilə səmimi qəlbdən təbrik edib. O, Ramazan ayının bağışlanma və həmrəylik üçün müqəddəs bir zaman olduğunu vurğulayaraq, “Qoy bu Fitr bayramı bizi ədalətli, şərəfli və davamlı sülh kimi ümumi hədəfimizə yaxınlaşdırsın” ifadəsini işlədib.
Zelenski bütün ailələrə sülh, firavanlıq və əmin-amanlıq arzulayıb: “Qoy bu gün qəlbləriniz iman, ümid və xeyirxahlıq işığı ilə dolsun.” O, həmçinin Ukraynanın müsəlman icmasına ölkənin müdafiəsində göstərdikləri dözümlülüyə görə təşəkkür edib və Ukraynanı dəstəkləyən hər kəsə minnətdarlığını bildirib.
Zəhra Ağayeva
11:41 31.03.2025
Oxunuş sayı: 1008
