Koreya avtomobil şirkətləri Rusiya bazarına qayıtmağı planlaşdırır
Cənubi Koreyanın aparıcı avtomobil istehsalçıları – Hyundai Motor Group və onun törəmə şirkəti KIA, eləcə də bir sıra digər brendlər Rusiya bazarına qayıtmaq imkanlarını nəzərdən keçirir. The Korea Times xəbər verir ki, bu qərar Rusiyada Koreya avtomobillərinə olan yüksək tələbatla bağlıdır.
Məlumata görə, artıq bəzi Koreya şirkətləri Rusiyada yeni iş vakansiyaları elan edib və bazara mümkün qayıdış üçün strategiyalar üzərində işləyir. Qeyd edək ki, Koreya istehsalçıları Rusiya bazarında uzun illər güclü mövqeyə sahib olub və yerli avtomobil sektorunda mühüm paya malik idilər.
Rusiya bazarına mümkün dönüş barədə rəsmi açıqlama verilməsə də, ekspertlər bildirirlər ki, Koreya şirkətləri bu addımı atmağa ehtiyatla yanaşır. Qərbin sanksiyalar fonunda bu prosesin necə inkişaf edəcəyi isə yaxın aylarda daha aydın olacaq.
14:28 29.03.2025
Oxunuş sayı: 1082
