Qalibaf: “ABŞ İrana hücum edərsə, hərbi bazaları hədəfə çevriləcək”
İran parlamentinin sədri Məhəmməd Baqir Qalibaf xəbərdarlıq edib ki, əgər ABŞ İrana müdaxilə
edərsə, Yaxın Şərqdəki Amerika hərbi bazaları və onun müttəfiqlərinin bazaları hücum hədəfi olacaq.
“Amerikalılar nə qədər həssas olduqlarını yaxşı bilirlər. Əgər onlar İrana hücum etsələr, bu, barıt çəlləyinə qığılcım atmağa bənzəyər və bütün regionu alovlandırar. Belə olan halda, onların bazaları və müttəfiqlərinin bazaları artıq təhlükəsiz olmayacaq”, – Qalibaf Beynəlxalq Qüds Günü çıxışı zamanı bildirib.
Crossmedia.az saytı xarici mediaya istinadən xəbər verir ki, o, ABŞ-nin Yaxın Şərqdəki hərbi mövcudluğunun riskli olduğunu vurğulayaraq, bölgədəki sabitliyin pozulmasının genişmiqyaslı nəticələrə səbəb ola biləcəyini qeyd edib.
Zeynəb Yunuszadə
22:35 28.03.2025
Oxunuş sayı: 1106
