Trampın Rusiya ilə bağlı siyasəti bumeranq effekti verəcək: ABŞ üçün təhlükə yaranacaq
ABŞ-nin keçmiş hərbi rəsmisi Aleksandr Vindman bildirir ki, ölkə Prezidenti Donald Trampın Rusiyaya qarşı siyasəti yeni deyil. O qeyd edir ki, Vaşinqton illərdir Moskva ilə münasibətləri düzəltmək üçün güzəştlərə gedib, lakin bu, Rusiyanın daha da aqressivləşməsinə səbəb olub.
Crossmedia.az xəbər verir ki, bu barədə "Foreign Affairs" nəşri məlumat yayıb.
Vindmanın fikrincə, Tramp administrasiyası Ukraynaya təzyiq göstərməklə və Rusiyaya güzəştə getməklə sabitlik yarada bilməyəcək. Ekspert hesab edir ki, ABŞ Ukraynaya hərbi dəstəyini artırmalı və Rusiyaya qarşı sanksiyaları sərtləşdirməlidir.
Məqalədə vurğulanır ki, əvvəlki ABŞ prezidentləri də Moskva ilə münasibətləri düzəltməyə çalışıb, amma bu, Rusiyanın daha çox torpaq iddiası ilə çıxış etməsi və qonşu ölkələrə hücum etməsi ilə nəticələnib.
Vindman xəbərdarlıq edir ki, Ukrayna zəiflədikcə, Rusiya daha da irəli gedəcək və bu, təkcə Avropa üçün deyil, ABŞ üçün də təhlükə yaradacaq.
Fatimə Məmmədova
21:25 28.03.2025
Oxunuş sayı: 6978
