KİV: Trampın Ukrayna ilə bağlı istəyi ürəyində qalıb
ABŞ Prezidenti Donald Trampın Ukraynadakı müharibəyə tez bir zamanda son qoymaq istəyi hələ reallaşmayıb. Uzun müzakirələrə baxmayaraq, yalnız qismən atəşkəs əldə edilib.
Crossmedia.az xəbər verir ki, bu barədə “The Kyiv Independent” nəşri məlumat yayıb.
Məlumatda qeyd olunub ki, Ukrayna martın 11-də ABŞ-nin təklif etdiyi 30 günlük tam atəşkəsə razılıq versə də, Rusiya bunu qəbul etməyib. Moskva yalnız enerji infrastrukturlarına hücumları dayandırmağa və Qara dənizdə güc tətbiq etməməyə razı olub.
Ağ Ev isə əsas təzyiqi Kiyevə yönəldib, hərbi yardım və kəşfiyyat məlumatlarının paylaşılması ilə Ukraynanı atəşkəsə məcbur etməyə çalışır.
Tramp Rusiyaya qarşı yeni sanksiyalar elan etsə də, onları tətbiq etməyib. Əksinə, martın 26-da Qara dənizdə atəşkəs əldə etmək üçün bəzi sanksiyaların yüngülləşdirilə biləcəyini deyib.
Fatimə Məmmədova
21:18 28.03.2025
Oxunuş sayı: 1403
