İran Trampı hücumla hədələyib: “Bütün hərbi bazalar hədəf olacaq”
İran parlamentinin sədri Məhəmməd Baqir Qalibaf ABŞ-ı xəbərdarlıq edərək, “İrana hücum edilsə, bu, bütün bölgəni alovlandıracaq”, - deyib.
Crossmedia.az xarici mediaya istinadən bildirir ki, Qalibaf cümə namazından sonra verdiyi açıqlamada ABŞ-ın İrana qarşı hərbi təhdidlərinə sərt reaksiya verib. O bildirib ki, əgər Vaşinqton hücuma keçsə, İran ABŞ-ın hərbi bazalarını və müttəfiqlərini hədəf alacaq.
Qalibaf, həmçinin Fələstin məsələsinə toxunaraq Qərbin ikili standartlarını tənqid edib və İsrailin xarici dəstək olmadan ayaqda qala bilməyəcəyini vurğulayıb.
ABŞ-ın İranı müdafiəsiz qoymaq məqsədilə danışıqlar diskursundan istifadə etdiyini bildirən Qalibaf, İran xalqının bu cür təzyiqlərə boyun əyməyəcəyini qeyd edib.
Zəhra Ağayeva
20:10 28.03.2025
Oxunuş sayı: 6049
