Xarici xəbərlər

Əkrəm İmamoğlu: “Qərb Türkiyədəki hadisələrə göz yumur”

Türkiyədə həbs edilmiş İstanbul Bələdiyyə Başçısı Əkrəm İmamoğlu ABŞ və bir çox Avropa ölkələrinin onun həbsinə və Türkiyədəki etirazlara zəif reaksiya verməsindən məyus olduğunu bildirib.

Crossmedia.az xəbər verir ki, o, bu barədə “The New York Times” üçün yazdığı məqalədə bildirib.

"Son hadisələr - Rusiya-Ukrayna müharibəsi, Suriyada Əsəd rejiminin devrilməsi və Qəzzadakı müharibə Avropanın təhlükəsizliyini təmin etmək üçün kritik qabiliyyətini nəzərə almaqla Türkiyənin strateji əhəmiyyətini artırdı.

Bununla belə, geosiyasət bizi, dəyərlərin aşınmasına, xüsusən də insan haqlarının pozulmasına göz yummağa sövq etməməlidir. Əks halda, addım-addım qlobal qaydaları pozanları qanuniləşdiririk", - deyə İmamoğlu məqaləsində qeyd edib.