ABŞ və Yəməndə Signal tətbiqinə maraq artıb
ABŞ və Yəməndə hökumət qalmaqalı fonunda şifrəli mesajlaşma tətbiqi Signal-in yüklənmə sayı kəskin şəkildə artıb.
“The Atlantic” jurnalının məlumatına görə, Tramp administrasiyasının yüksək vəzifəli rəsmiləri, o cümlədən vitse-prezident C.D. Vens və müdafiə naziri Piter Hegseth, Yəmən husilərinə qarşı hücum planlarını Signal vasitəsilə müzakirə ediblər. Lakin jurnalın baş redaktoru Ceffri Qoldberq səhvən bu qrup çatına əlavə edilib və məxfi məlumatlara çıxış əldə edib. O, daha sonra bu informasiyanı yayıb.
Crossmedia.az saytı xarici mediaya istinadən xəbər verir ki, hadisədən sonra bazar ertəsi Signal tətbiqinin yüklənmə sayı dünya üzrə 28% artıb. ABŞ-də bu göstərici 45%, Yəməndə isə 42% təşkil edib. “Appfigures” analitika şirkətinin məlumatına görə, qalmaqaldan əvvəl Yəməndə sosial media tətbiqləri arasında 50-ci yerdə olan Signal, bazar ertəsi 9-cu pilləyə yüksəlib.
Zeynəb Yunuszadə
18:54 28.03.2025
Oxunuş sayı: 10001
