Türkiyə 16 yaşdan kiçik uşaqlar üçün sosial şəbəkələrə girişə məhdudiyyət qoyur
Türkiyə hökuməti 16 yaşına çatmamış uşaqların sosial şəbəkələrdən istifadəsinə məhdudiyyət tətbiq etməyi planlaşdırır. Crossmedia.az bildirir ki, bu barədə ölkənin nəqliyyat və infrastruktur naziri Abdulkadir Uraloğlu məlumat verib.
Nazirin sözlərinə görə, yeni qaydalara əsasən, 13 yaşdan kiçik uşaqlara sosial media platformalarına qoşulmaq tamamilə qadağan ediləcək. Məhdudiyyətlərin bu ilin sonuna qədər qüvvəyə minəcəyi gözlənilir.
Qeyd edək ki, Türkiyə hökuməti son illərdə rəqəmsal təhlükəsizlik və uşaqların internetdəki müdafiəsi ilə bağlı müxtəlif tədbirlər görür. Yeni qanun layihəsinin də bu çərçivədə hazırlandığı bildirilir.
Fidan Xəlilova
18:24 28.03.2025
Oxunuş sayı: 5765
