Türkiyə MN mənbələri F-35 və CAATSA sanksiyaları ilə bağlı son vəziyyəti qiymətləndiriblər
Türkiyə Milli Müdafiə Nazirliyinin mənbələri F-35 və CAATSA sanksiyaları ilə bağlı son vəziyyəti qiymətləndiriblər. Crossmedia.az xəbər verir ki, bu barədə Türkiyə KİV-ləri məlumat yayıb.
Verilən açıqlamada sanksiyaların heç bir hüquqi əsası olmadığı və F-35 prosesinə qayıdışın ancaq sanksiyaların aradan qaldırılması ilə nəzərdən keçirilə biləcəyi vurğulanıb.
Rəsmilər CAATSA sanksiya prosesinin prezident Rəcəb Tayyib Ərdoğanla ABŞ prezidenti Donald Tramp arasında danışıqlarla başladığını və daha sonra xarici işlər nazirləri səviyyəsində davam etdiyini xatırladıb.
“Bir müttəfiqin digərinə sanksiya tətbiq etməsi düzgün deyil”, - deyə mənbələr bildiriblər.
Türkiyə Milli Müdafiə Nazirliyinin mənbələri vurğulayıb ki, Türkiyə əvvəldən bu sanksiyalara qarşı mövqeyini açıq şəkildə bəyan edib.
Açıqlamada texniki danışıqların davam etdiyi, mümkün həll yolu ilə müdafiə və təhlükəsizlik sahəsində əməkdaşlığın yenidən sürət qazana biləcəyi qeyd edilib.
“Sanksiyalar aradan qaldırılarsa, F-35 prosesinə qayıdış nəzərdən keçirilə bilər”, - deyə açıqlamada bildirilib və iki ölkə arasında hərbi əlaqələrin gələcəyinin bu prosesin gedişindən asılı olduğu vurğulanıb.
17:34 28.03.2025
Oxunuş sayı: 5954
