Orban: Brüssel müharibəyə hazırlaşır, amma bu, tamamilə əsassızdır
Macarıstanın Baş Naziri Viktor Orban, Avropa İttifaqı (Aİ) liderlərinin Rusiyaya qarşı hərbi münaqişəyə hazırlaşdıqlarını, lakin bu hərəkət üçün heç bir əsasın olmadığını bildirib. Crossmedia.az bildirir ki,Orban Kossuth Radio-nun səhər proqramında etdiyi çıxışda, Macarıstanın belə bir münaqişəyə qatılmayacağını vurğulayıb.
Həmçinin Orban “Brüssel müharibəyə hazırlaşır” deyə bildirib. O, Aİ liderlərinin vətəndaşlara, Rusiyayla münaqişə ehtimalına qarşı 72 saatlıq su, ərzaq və tibbi ləvazimat yığmalarını tövsiyə etmələrini “qorxuducu və gülünc” hesab edib. Baş nazir, bu yanaşmanın Brüsselin müharibəyə hazırlıq etdiyini, amma bunun əsassız olduğunu qeyd edib və “ən qorxulu olan şeyin bu insanların beynində nələrin baş verdiyini” söyləyib.
Fidan Xəlilova
16:10 28.03.2025
Oxunuş sayı: 7865
