Qrenlandiya deputatları ABŞ-a qarşı koalisiya yaradır
Qrenlandiyada seçilmiş beş partiyadan dördü ABŞ-ın vitse-prezidenti JD Vance-in qütb adasına səfəri öncəsi geniş koalisiya yaratmaq barədə razılığa gəlib.
Crossmedia.az xarici mediaya istinadən bildirir ki, Qrenlandiya qanunvericiləri ABŞ prezidenti Donald Trampın Danimarkadan asılı olan Arktika bölgəsini ilhaq etmək üçün təzyiqləri fonunda yeni hökumət qurmaq məqsədilə bir araya gəliblər. Parlamentdəki 31 yerdən 23-nə sahib olan dörd partiya cümə günü koalisiya sazişini imzalamağı planlaşdırır.
ABŞ-ın vitse-prezidenti JD Vance cümə günü həyat yoldaşı ilə Qrenlandiyaya səfər etməlidir. O, Pituffik Kosmik Mərkəzinə baş çəkərək ABŞ-ın raket müdafiə əməliyyatlarını nəzərdən keçirəcək. Qrenlandiyanın Baş naziri Lal Bourup Egede Vance-in səfərini “çox aqressiv” adlandırıb.
Rusiya prezidenti Vladimir Putin isə Tramp administrasiyasının Qrenlandiyaya marağını təəccüblü saymadığını bildirib. O, ABŞ-ın artıq 19-cu əsrdən etibarən bu regiona nəzarət etmək planlarını nəzərdən keçirdiyini və İkinci Dünya Müharibəsindən sonra Danimarkadan satın almağı təklif etdiyini xatırladıb.
Zəhra Ağayeva
15:32 28.03.2025
Oxunuş sayı: 5916
