Avropa ölkələri İrana nüvə razılaşması üçün son tarix qoydu
Almaniya, Böyük Britaniya və Fransa, İranla 2015-ci il Nüvə razılaşmasının bərpası üçün iyul ayına qədər vaxt verdiklərini açıqlayıblar. Jerusalem Post qəzetinin məlumatına görə, əgər bu müddətə qədər razılaşma əldə olunmazsa, Tehran ağır sanksiyalarla üzləşə bilər.
Buna səbəb BMT Təhlükəsizlik Şurasının İrana qarşı tətbiq etdiyi sanksiyaların böyük bir hissəsinin ləğv edilməsi və bu ilin oktyabr ayından etibarən onların yenidən tətbiq edilməsinin mümkün olmayacağıdır.
Avropa ölkələri nüvə sazişinin tərəfləri kimi SnapBack mexanizmi vasitəsilə İrana qarşı əvvəllər ləğv olunmuş sanksiyaları bərpa etmək hüququna sahibdirlər. Bu isə Tehranın iqtisadi baxımdan ciddi çətinliklərlə üzləşə biləcəyi deməkdir.
10:15 21.03.2025
Oxunuş sayı: 2688
