ABŞ-ın Merilend ştatının qubernatoru Novruz bayramı ilə bağlı bəyanat imzalayıb
ABŞ-ın MerilEnd ştatının qubernatoru Ves Mur Novruz bayramı ilə bağlı bəyanat imzalayıb. Bəyanatda Novruzun yazın gəlişinin və təbiətin yenilənməsinin qeyd edildiyi qədim və şən bayram olduğu bildirilir. Vurğulanır ki, bu bayram 3 min ildən artıqdır qeyd olunur və dünyada milyonlarla insan tərəfindən tanınır. Novruz sülh, yenilənmə və mədəni birliyin simvolu kimi xarakterizə edilir.
“Bütün dünyada Azərbaycan icmaları Novruz bayramını ənənələrlə, o cümlədən xeyrin şər üzərində qələbəsini simvolizə edən tədbirlərlə, musiqi, rəqslər, bayram süfrələri və mədəni fəaliyyətlərlə qeyd edirlər. Merilend ştatı azərbaycanlılar da daxil olmaqla dövlətimizin mədəni, sosial və iqtisadi quruluşuna əhəmiyyətli töhfə verən icmalara ev sahibliyi etməkdən qürur duyur. Novruzun qeyd olunması bizim azərbaycanlı amerikalılar və onların icmaları ilə dostluq əlaqələrimizi gücləndirir. Biz Novruzu tanıyaraq onu qeyd etməklə Azərbaycanın zəngin mədəni irsinə hörmətlə yanaşır və təbliğ edirik”,- deyə bəyanatda bildirirlir.
Ştat qubernatoru bəyanatda 20 martı Merilenddə Novruz günü elan edib.
07:09 20.03.2025
Oxunuş sayı: 704
