Tramp İrana çağırış etdi: "Husilərə dəstəyi dərhal dayandırın"
ABŞ prezidenti Donald Tramp İranı Yəməndə husilərə verdiyi dəstəyi dayandırmağa çağırıb.
Crossmedia.az xarici mediaya istinadən xəbər verir ki, Tramp bu barədə Truth sosial hesabında yazıb.
O, İranın husilərə göndərdiyi hərbi texnikanın azaldığını qeyd etsə də, silah tədarükünün hələ də davam etdiyini bildirib. "İran bu tədarükləri dərhal dayandırmalıdır", – deyə Tramp vurğulayıb.
ABŞ prezidenti husilərin təkbaşına mübarizə aparmalı olduğunu qeyd edərək onların müharibəni hər halda uduzacağını bildirib:
"Onlar hər halda müharibəni uduzacaqlar, lakin bu yolla daha tez məğlub olacaqlar. Tamamilə məhv olacaqlar", – Tramp əlavə edib.
Aybəniz Səfərova
21:31 19.03.2025
Oxunuş sayı: 707
