Xarici xəbərlər

Netanyahudan HƏMAS-a sərt xəbərdarlıq: Danışıqlar yalnız atəş altında olacaq

İsrailin baş naziri Benyamin Netanyahunun sözlərinə görə, ölkəsi HƏMAS-la danışıqları yalnız hərbi əməliyyatlar fonunda aparacaq.

Crossmedia.az xəbər verir ki, bu barədə o, Qəzza zolağındakı HƏMAS hədəflərinə kütləvi zərbələr endirildikdən sonra bəyan edib.

"Sizin yaşadıqlarınız hələ başlanğıcdır. Danışıqlar yalnız atəş altında olacaq"! – deyə Netanyahu bildirib.Onun sözlərinə görə, İsrail bir neçə həftədir ki, terrorçular tərəfindən girov saxlanılan insanların azad edilməsinə nail olmağa çalışır:

"Atəşkəsi bir neçə həftə uzatdıq, lakin bir nəfər belə girov qaytarılmadı. HƏMAS isə bütün təklifləri dəfələrlə rədd etdi".

Netanyahu vurğulayıb ki, HƏMAS geri çəkilmədiyi halda İsrail hərbi əməliyyatları bərpa edəcəyini öncədən açıq şəkildə bəyan etmişdi.Martın 18-də axşam saatlarında İsrailin Qəzza zolağına endirdiyi hava zərbələri nəticəsində HƏMAS-ın bir neçə lideri, o cümlədən təşkilatın faktiki hökumət başçısı Əssam əl-Daalis məhv edilib.

Fidan Xəlilova

🖨 Çap et

15:28 19.03.2025

Oxunuş sayı: 849