Trampın atəşkəs çağırışı nəticəsiz qaldı: Putin Kiyevə zərbə endirdi
ABŞ prezidenti Donald Tramp Rusiya lideri Vladimir Putinlə telefon danışığı zamanı 30 günlük dərhal atəşkəs çağırışı edib. Lakin bu çağırış cavabsız qalıb və Tramp nəticədən məyus olub.
Crossmedia.az xəbər verir ki, bu barədə Politico nəşri məlumat yayıb.
Məlumata görə, Putin atəşkəs üçün Ukraynanın demokratik varlığını sona çatdıracaq şərtlər irəli sürüb. Buna cavab olaraq Rusiya Kiyevə yeni raket zərbəsi endirib.
Böyük Britaniyanın sabiq baş naziri Boris Conson isə Putinin bu mövqeyini tənqid edərək deyib:
"Bu heç kimi təəccübləndirməməlidir. Putin bombalamaq və günahsız ukraynalıları öldürmək istəyir. O, Ukraynanı silahsızlaşdırmaq, neytrallaşdırmaq və onu Rusiyanın vassal dövlətinə çevirmək niyyətindədir. Putin danışıqlar aparmır, o, bizə gülür".
Fatimə Məmmədova
09:26 19.03.2025
Oxunuş sayı: 1025
