KİV: Tramp-Putin danışıqları nəticə verməyəcək
ABŞ prezidenti Donald Trampın Rusiya prezidenti Vladimir Putinlə telefon danışığı hərbi əməliyyatların dayandırılmasına səbəb olmayacaq və Moskvanın strategiyasına təsir etməyəcək.
Crossmedia.az xəbər verir ki, bu barədə “The New York Times” qəzeti məlumat yayıb.
Məqalədə bildirilir ki, bunun əsas səbəblərindən biri Rusiyanın iqtisadi strukturunda baş verən dəyişikliklərdir.
"Müharibə uzun müddət iqtisadi gerilik yaşayan bölgələrə müsbət təsir edib. Bir vaxtlar fəaliyyətsiz qalan müdafiə zavodları indi tam gücü ilə işləyir, dövlət sifarişlərini yerinə yetirir və yeni iş yerləri yaradır. Əgər müharibədən əvvəl əsas kapital Moskva, Sankt-Peterburq və digər iri şəhərlərdə cəmlənmişdisə, indi dövlət maliyyəsi iqtisadi cəhətdən geridə qalan bölgələrə yönləndirilir" – NYT yazır.
Məqalədə həmçinin qeyd olunur ki, Rusiya enerji sektorundan əldə etdiyi gəlirləri hərbi sənayenin inkişafına sərf edir və dövlət aparatının əsas məqsədi artıq hərbi-sənaye kompleksinin gücləndirilməsi olub.
Fatimə Məmmədova
22:27 18.03.2025
Oxunuş sayı: 1436
