Xəstələrə vaxtı keçmiş dərmanlar verilir?- TƏBİB-dən özəl açıqlama
Qusar Rayon Mərkəzi Xəstəxanasında xəstələrə vaxtı keçmiş dərmanların paylanması ilə bağlı ciddi iddialar ortaya çıxıb. Məlumata görə, xəstəxananın tibb işçilərinin WhatsApp qrupuna bu məzmunda mesaj göndərilib: "Deməli, aptekdə vaxtı keçən dərman və sərfiyyatlar var. Bunlar şöbələrə paylanacaq."
Bu məlumat tibb müəssisələrində təhlükəsizlik qaydalarına riayət olunması və xəstələrin sağlamlığının qorunması məsələsini gündəmə gətirir. Vaxtı keçmiş dərmanların istifadəsi insan sağlamlığı üçün ciddi təhlükə yarada bilər. Əgər bu iddialar təsdiqlənərsə, məsələ qanun çərçivəsində araşdırılmalı və müvafiq tədbirlər görülməlidir.
Qeyd edək ki, hər hansı dərman vasitəsinin istifadəsi öncəsi onun yararlılıq müddəti yoxlanılmalı və xəstələrin həyatına risk yarada biləcək halların qarşısı alınmalıdır. Məsələ ilə bağlı aidiyyəti qurumların rəsmi açıqlama verməsi və xəstəxanada araşdırma aparması gözlənilir.
Mövzu ilə bağlı Tibbi Ərazi Bölmələrini İdarəetmə Birliyi Crossmedia.az-ın sorğusuna cavab verib.
Bildirilib ki, sosial şəbəkələrdəki yayılan yazışmalarla bağlı araşdırma aparılır: ""Sosial şəbəkədə yayılan yazışmalara dair tərəfimizdən araşdırma aparılır. Nəticəsi barədə əlavə məlumat veriləcək".
Xumar Emilqızı
16:35 18.03.2025
Oxunuş sayı: 873
