Uşaqların oruc tutması düzgündürmü?- Həkimdən İZAH
Məhərrəmlik ayında uşaqların oruc tutması məsələsi hər il cəmiyyətdə ciddi mübahisələrə səbəb olur. Bəziləri bunun dinin tələbi olduğunu iddia edir, bəziləri isə sağlamlığa ziyan olduğunu söyləyirlər.
Sözügedən fikir ayrılığı ilə bağlı Crossmedia.az-a danışan həkim Şahvələd Məmmədovun fikrincə, Ramazan ayında bəzi ailələr kiçik yaşlıları oruc tutmağa vadar edirlər: "Ancaq bioloji akselerasiya deyilən bir anlayış var. Yəni uşaqların yaş kateqoriyası müəyyən edilib: 14 yaşa qədər olanlar və 14-18 yaş aralığında olanlar. 14-15 yaş dövrü cinsi yetişkənlik mərhələsi hesab olunsa da, 18 yaşa qədər orqanizmdə tamam başqa bir inkişaf prosesi gedir. Xüsusilə 14-18 yaş arasında bioakselyerasiya sürətlənir. Bu dövrdə orqan və sistemlərin fəaliyyətində intensiv inkişaf müşahidə olunur: sümüklər, əzələlər, qığırdaqlar və digər toxumalar sürətlə böyüyür və formalaşır".
Ş. Məmmədov vurğulayıb ki, uşaqların oruc tutması qətiyyən düzgün deyil: "14-18 yaş arasında olan yeniyetmələrin də uzun müddət aclığa məruz qalması tövsiyə olunmur. Çünki bu, onların sağlamlığına mənfi təsir göstərə bilər".
Xumar Əhmədova
16:33 04.03.2025
Oxunuş sayı: 16325
