Həkimdən xəbərdarlıq: "Etil spirtinin tərkibində elə qatqı var ki..."
Fevralın 22-23-də Sabunçu rayonunda 15 nəfərin etil spirtindən zəhərlənərək ölüb. Baş Prokurorluğun Mətbuat xidmətinin verdiyi məlumata görə, bu hadisə ilə bağlı Sabunçu rayon prokurorluğunda cinayət işi başlanıb və ibtidai istintaq aparılır. İlkin araşdırmalar göstərib ki, həyatını itirən şəxslər texniki etil spirtindən zəhərlənərək ölüblər.
Mövzu ilə bağlı Crossmedia.az-a həkim Şahvələd Məmmədov açıqlama verdi.
"Etil spirti, gigiyenik vasitə kimi geniş istifadə olunur və müxtəlif tətbiqlər üçün tələbat yüksəkdir. Hər bir etil spirti, su ilə qarışdırılmadan istifadə edildikdə müəyyən bir konsentrasiyaya malik olur. Lakin, son dövrlərdə baş verən hadisələr göstərir ki, bəzi etil spirti məhsulları tərkibində qeyri-adi qatqılarla istehsal olunur və bu qatqılar zəhərlənmələrə səbəb ola bilər".
Həkim qeyd edib ki, hazırda apteklərdə satılan etil spirtinin tərkibində bəzi dəyişikliklər olub: "Müxtəlif şirkətlərin ə istehsal etdiyi etil spirti məhsullarına əlavə inqrediyentlər qatıldığı bildirilir. Bu qatqıların olub-olmaması araşdırılmaqdadır. Hazırda tədqiq edilən məsələ, etil spirti məhsullarının tərkibindəki qeyri-adi qatqıların və maddələrin zəhərlənməyə səbəb olub-olmaması məsələsidir. Etil spirti məhsulunun zəhərlənməyə səbəb olub-olmaması məsələsini dəqiq müəyyənləşdirmək üçün məhsul analiz edilir. Aparatlar vasitəsilə yoxlanılaraq, dərmanların analitik şöbəsində təhlil edilir. Bu analizlər nəticəsində, məhsulun tərkibində problemli qatqıların olub-olmaması barədə dəqiq məlumat əldə olunacaq. Bu tip məhsulların təhlil edilməsi olduqca mühümdür. Çünki müəyyən qatqılar tərkibdəki etil spirti ilə birləşərək insan sağlamlığına təhlükə yarada bilər".
Ş.Məmmədov onuda vurğulayıb ki, bir neçə flakon etil spirti alınaraq istifadə edilib və nəticədə bir neçə insan həyatını itirib: "Bu hadisə göstərir ki, tərkibindəki qatqılar problemli ola bilər. Bu səbəbdən məhsulun istehsalçısı və onun tərkibi barədə əlavə araşdırmalar aparılır. Bu vəziyyət həkimlər və mütəxəssislər üçün də çətinliklər yaradır. Çünki mövcud məlumatlarla bu zəhərlənmənin dəqiq səbəbi müəyyən edilə bilməz. Bununla belə, tərkibdə etil spirtinə bənzər qatqıların olub-olmaması məsələsi araşdırılmağa davam edir. Araşdırmalar tamamlandıqdan sonra etil spirti məhsulunun tərkibində hansı qatqıların olduğunu və bu qatqıların zəhərlənməyə səbəb olub-olmaması barədə dəqiq məlumat veriləcək. Bu araşdırmaların nəticələri gələcəkdə belə hadisələrin qarşısını almaq üçün mühüm əhəmiyyət kəsb edəcək. Gələcəkdə daha ətraflı məlumat əldə edildikcə, sözügedən məsələnin tam həlli ortaya çıxacaq və bu zəhərlənmənin səbəbləri üzə çıxacaq".
Xumar Əhmədova
18:42 24.02.2025
Oxunuş sayı: 1118
