Bərdədə zəhərlənən 15 nəfərin son durumu açıqlanıb - RƏSMİ
Fevralın 15-də dəm qazından zəhərlənmə səbəbilə Bərdə Rayon Mərkəzi Xəstəxanasının Təcili tibbi yardım şöbəsinə yerləşdirilən 15 nəfər (11-i qadın cinsli, 4-ü kişi cinsli olmaqla) hospitalizasiya olunub.
Bu barədə Crossmedia.az-ın sorğusuna cavab olaraq Tibbi Ərazi Bölmələrinin İdarəetmə Birliyindən (TƏBİB) bildirilib.
Qeyd olunub ki, onların hər birinə zəruri tibbi yardım göstərilib. Vəziyyətləri qənaətbəxş olan 14 nəfər ambulator müalicə üçün evə buraxılıb, 1 nəfərin (qadın cinsli) müalicəsi isə müvafiq şöbədə davam etdirilir, vəziyyəti stabildir.
Qeyd edək ki, fevralın 15-də Bərdənin Həsənqaya kəndində yas mərasimində kütləvi zəhərlənmə baş verib. Hadisə nəticəsində 15 nəfərə yaxın şəxs ürəkbulanma və halsızlıq şikayətləri ilə Bərdə Mərkəzi Xəstəxanasına müraciət edib.
Kənan Novruzov
12:25 24.02.2025
Oxunuş sayı: 1070
