Peskov AZAL təyyarəsinin qəzası ilə bağlı hesabatı şərh etməyib
Kremlin AZAL təyyarəsinin qəzası ilə bağlı Qazaxıstan Nəqliyyat Nazirliyinin ilkin hesabatını şərh etmədiyi ilə bağlı məlumat yayılıb.
Crossmedia.az xarici KİV-ə istinadən xəbər verir ki, Rusiya prezidentinin mətbuat katibi Dmitri Peskov Kremlin AZAL aviaşirkətinin təyyarəsinin qəzaya uğraması ilə bağlı Qazaxıstan Nəqliyyat Nazirliyinin ilkin hesabatını şərh etməyəcəyini bildirib.
"Bu ilkin hesabatdır. Əlbəttə, müvafiq qurumlarımız onu diqqətlə araşdıracaqlar. Lakin Rusiya Prezident Administrasiyasından bu mövzunu şərh etmək mümkün deyil, bunu mümkün saymırıq", - deyə Peskov vurğulayıb.
Xatırladaq ki, AZAL-a məxsus Bakı-Qroznı aviareysini həyata keçirən təyyarə dekabrın 25-də Qazaxıstanın Aktau şəhəri yaxınlığında qəzaya uğrayıb. Qəza nəticəsində 67 nəfərdən 38-i həlak olub, 29-u sağ qalıb.
Fatimə Məmmədova
14:13 05.02.2025
Oxunuş sayı: 452
