BMT-dəki daimi nümayəndə UNICEF-in regional direktoru ilə uşaqların müdafiəsini müzakirə edib
Azərbaycanın BMT yanında Daimi Nümayəndəliyinin rəhbəri Tofiq Musayev BMT-nin Uşaq Fondunun (UNICEF) Avropa və Mərkəzi Asiya üzrə regional direktoru Regina De Dominikis ilə uşaqların müdafiəsi və onların hüquqlarının təşviqi sahəsində əməkdaşlığı müzakirə edib.
Crossmedia.az Azərbaycanın dünya təşkilatındakı Daimi Nümayəndəliyinin mətbuat xidmətinij verdiyi məlumata istinadən xəbər verir.
"Daimi Nümayəndə Səfir Tofiq Musayev BMT-nin Uşaq Fondunun (UNICEF) Avropa və Mərkəzi Asiya üzrə regional direktoru xanım Regina De Dominikisi məmnuniyyətlə qəbul edib. Görüş zamanı Azərbaycan ilə UNICEF arasında uşaqların müdafiəsi və onların hüquqlarının təşviqi sahəsində qarşılıqlı faydalı əməkdaşlıq və COP29-dan sonra uşaq və gənclərin iqlim fəaliyyətinin mərkəzində qalmağa davam etməsi müzakirə olunub", – BMT-dəki diplomatik missiyanın sosial şəbəkə hesabında qeyd olunub.
07:07 05.02.2025
Oxunuş sayı: 429
