Qızdırma ilə mübarizədə dünya standartı açıqlanıb
Qızdırma orqanizmin infeksiyalara və müxtəlif xəstəliklərə qarşı müdafiə mexanizmi olsa da, nəzarət edilmədikdə ciddi fəsadlara yol aça, hətta ölümlə nəticələnə bilər. Xüsusilə uşaqlar, yaşlılar və immun sistemi zəif olan şəxslər üçün yüksək temperatur həyati təhlükədir. Müalicə olunmayan və ya düzgün idarə edilməyən qızdırma beyinə, ürəyə və digər həyati orqanlara zərər vuraraq kritik vəziyyətlərə gətirib çıxarır.
Qızdırma zamanı görüləcək ilkin tədbirlər və qızdırmanın hansı hallarda ölümlə nəticələnə biləcəyi haqda həkim-allerqoloq Şahvələd Məmmədov Crossmedia.az-a açıqlama verib:
“Yüksək qızdırma zamanı həmin gün və yaxud ondan bir gün qabaq hər hansı qabaqlayıcı tədbir görülməyibsə, infeksion toksiki şok nəticəsində xəstə dünyasını dəyişə bilər. Ona görə ilkin tibbi yardım kimi ən azından hansısa tibbi müdaxilə olunmalı, “porestamol” dərmanından və yaxud da yayındırıcı müalicə üsullarından istifadə olunmalıdır. Soyuq kompreslər bunun üçün ən yaxşı metodlardandır”.
Ş. Məmmədov qızdırma zamanı ilkin müalicə üsllarından danışıb: “Yüksək qızdırma zamanı dünyada qəbul olunmuş bir nömrəli protokol dərmanı porestomoldur, yaxud qeyd etdiyim yayındırıcı müalicə. Əvvəllər qızdırmanı spirtlə, sirkə ilə, sirkə su qarışığı ilə ovuşduraraq salırdılar. Lakin artıq onlar yığışdırılıb, ancaq sərin suyla böyük bir dəsmalı isladaraq bədəni soyutmaq lazımdır. Sonra isə qoltuq altı və qasıq nahiyəsinə soyuq ampulalar qoyulmalıdır”.
Ayhan Ağarzayev
16:28 30.01.2025
Oxunuş sayı: 16344
