Sağlamlıq

Alimlər uğurlu insanların sirlərini açıqladı

Yaxşı başlanğıc uğurun yarısıdır deyirlər. Düzgün qoyulmuş təməl sonrakı nailiyyətlərin istiqamətini müəyyənləşdirir. İşin başlanğıcında doğru planlama və hazırlıq, hədəflərə çatmaq üçün vacibdir. Uğur isə məqsədlərə çatmaq deməkdir.

Bəs uğurlu insanların sirri nədir?

Crossmedia.az xarici KIV-ə istinadən xəbər verir ki, bu insanları birləşdirən ən mühüm cəhətlərdən biri qarşılarına məqsəd qoymalarıdır. Məqsədlər insanlara istiqamət verir və onları motivasiya edir.

Harvard Business School tərəfindən aparılan bir araşdırmada, məqsədlərini yazan MBA tələbələrinin 3%-i, 10 il sonra məqsədlərini yazmayan tələbələrə nisbətən 10 qat daha çox gəlir əldə etdiyi məlum olub.

Daha bir xüsusiyyət davamlı öyrənmək və inkişaf etməkdir. Bu, yalnız formal təhsillə məhdudlaşmır - bura kitab oxumaq, seminar və təlimlərdə iştirak etmək, yeni dillər öyrənmək və ya fərqli sahələrdə təcrübələr qazanmaq da daxildir.

Müsbət düşüncə uğur qazanan insanların başqa bir mühüm xüsusiyyətidir. Norman Vincent Pilin yazdığı "Pozitiv Düşüncənin Gücü" kitabında bu barədə danışlır. Kitabda müsbət düşüncənin insanın həyatına böyük təsir göstərə biləcəyi qeyd olunur. Pozitiv düşüncə tərzi ilə yaşayan insanlar daha çox xoşbəxt və sağlam olur. Nəticədə onlar daha çox uğur qazanır.

Effektiv zaman idarəetməsi də vacib faktordur. Brayan Treysirinm qələbə aldığı “ O qurbağanı ye!” kitabında ən vacib və çətin tapşırıqların əvvəlcə yerinə yetirilməsinin əhəmiyyəti vurğulanır. Bu yanaşma vaxt itirməmək və daha çox məhsuldar olmaq üçündür.

Yaradıcı düşüncə də müvəffəqiyyətli insanların problemləri həll etmək və yeni imkanlar yaratmaq üçün istifadə etdikləri bir qabiliyyətdir. Onlar fərqli baxış bucaqları ilə vəziyyətləri qiymətləndirərək yeni yollar tapır.

Eyni zamanda risk almaq qabiliyyəti də önəmlidir. Müvəffəqiyyətli insanlar risk almaqdan çəkinmirlər və bu riskləri qarşılayacaq strategiyalar inkişaf etdirirlər.

Qarşıya çıxan çətinliklərə baxmayaraq məqsədlərimizdə inadkar olmaq vacibdir. Hər bir insanın uğur yolunda fərqli təcrübələri və öyrəniləcək dərsləri var. Ən əsası isə uğursuzluqlardan dərs çıxarmaqdır.

Nəzrin Salmanova

🖨 Çap et

17:30 28.01.2025

Oxunuş sayı: 86072