Gənclər arasında dəbə düşən elektron siqaretlər-zərərlidir, ya yox?
Son zamanlar gənclər arasında elektron siqaretə maraq artıb. Elektron siqaretin adi siqaretdən ziyansız olduğunu düşünənlər var.
Elektron siqaretin orqanizm üçün zərərləri haqqında Azərbaycan Tibb Universitetinin Farmakologiya kafedrasının dosenti, tibb eksperti Aydın Əliyev Crossmedia.az-a açıqlama verib. Ekspert həm adi siqaretin, həm də elektron siqaretin yaratdığı xəstəlikləri qeyd edib:
"Cavanlar əllərindən siqareti buraxmırlar. Bəs bunun sonu hara gedir? Qan qatılaşır, ağciyərlər zədələnir, qanın oksigen təmin etmə qabiliyyəti azalır, qanda olan oksigen normadan aşağı olduqca, karbon qazı və digər maddələr çoxaldıqca vəziyyət daha da çətinləşir. Qan bütün orqanlarımızı, hüceyrələrimizi qidalandıran vasitədir. Biz onu zərərli maddələrlə qatılaşdırsaq, tromplar, insultlar, mərkəzi sinir sistemi xəstəlikləri, xüsusilə ağciyər, ağciyərdə bədxassəli şiş yaranar. Sadalanan bu xəstəlikləri həm adi siqaret, həm də elektron siqarət yarada bilər. Elektron siqarətlər dodaqların bədxassəli şişini də törədə bilir".
Ekspert bildirib ki, siqaret çəkməyib amma bu tüstünü qəbul edən insanlarda həmin xəstəliklər yarana bilər:
"Siqaret çəkən insanın yanında olan şəxslər də tüstüyə məruz qalırlar. Həmin tüstünü qəbul edənlərdə də sadalan xəstəliklər yarana bilir. Buna görə də siqaretin çəkilişi ictimai yerlərdə qəti olmaz".
Zeynəb Mustafazadə
08:32 16.01.2025
Oxunuş sayı: 15277
