Bəzi ərazilərdən heyvan və quş əti idxalına müvəqqəti məhdudiyyət qoyulub - AQTA
Almaniyanın Brandenburq vilayətində və İsrail Dövlətinin Mərkəz dairəsində dabaq, Şotlandiyanın Anqus inzibati ərazi vahidində və Nigeriyanın Kano ştatında isə yüksək patogen quş qripi xəstəliyi qeydə alınıb.
Bu barədə Crossmedia.az Azərbaycan Qida Təhlükəsizliyi Agentliyinə (AQTA) istinadən xəbər verir.
Həmin ərazilərdən iri və xırdabuynuzlu heyvanların, diri quş və inkubasiya yumurtalarının, quş ətinin və quş emalı məhsullarının Azərbaycana idxalına müvəqqəti məhdudiyyət qoyulub.
Məqsəd qeyd olunan ölkələrdən Azərbaycana keçə biləcək yoluxucu heyvan xəstəliklərindən qorumaqdır.
Eyni zamanda müvafiq tədbirlərin görülməsi üçün Dövlət Gömrük Komitəsinə müraciət olunub.
08:31 16.01.2025
Oxunuş sayı: 16618
