Zelenski: Ukrayna tərəfdaşları ilə 45 milyard avroluq dəstəyi müzakirə edir
Ukrayna Prezidenti Volodimir Zelenski “Könüllülər koalisiyası”nın görüşündə ölkəyə gələcək dəstək məsələlərinin müzakirə olunduğunu bildirib.
Crossmedia.az xarici KİV-ə istinadən xəbər verir ki, onun sözlərinə görə, müzakirələrin əsas istiqamətlərindən biri Avropa İttifaqının Ukraynanın büdcə ehtiyaclarının qarşılanması üçün nəzərdə tutulan 45 milyard avroluq vəsaitin ayrılmasını sürətləndirməkdir.
Bununla yanaşı, hava hücumundan müdafiə sistemlərinin gücləndirilməsi, o cümlədən PURL təşəbbüsü çərçivəsində əməkdaşlıq, ballistik raketləri zərərsizləşdirən raketlərin tədarükü və Avropa tərəfdaşları ilə yeni müdafiə imkanlarının yaradılması məsələləri də müzakirə olunur.
21:46 19.11.2026
Oxunuş sayı: 43