Türkiyənin "Kızılelma" pilotsuz qırıcıları ilk dəfə istifadəyə verilib — FOTO
Türkiyə ilk üç pilotsuz qırıcı təyyarəsi "Kızılelma"nı təhlükəsizlik qüvvələrinin istifadəsinə verib.
Crossmedia.az xəbər verir ki, Türkiyənin Baykar şirkəti ölkənin müvafiq təhlükəsizlik strukturlarına üç ədəd" Kızılelma" pilotsuz döyüş təyyarəsi təhvil verib.
Şirkətin texniki direktoru Səlcuq Bayraktar bildirib ki, bu hadisə dünyada pilotsuz qırıcı təyyarənin ilk dəfə silahlanmaya qəbul edilməsi kimi tarixə düşüb.
Kızılelma hava döyüşləri aparmaq, eləcə də qurudakı və dənizdəki hədəfləri vurmaq üçün nəzərdə tutulub. Gələcəkdə təyyarənin hərbi gəmilərdən də istifadə edilməsi planlaşdırılır.
21:51 19.11.2026
Oxunuş sayı: 46