Azərbaycan Cüdo Federasiyası adaptiv cüdo üzrə praktiki məşğələ keçirib
Azərbaycan Cüdo Federasiyasının məşqçilər üçün təşkil etdiyi adaptiv cüdo kursu çərçivəsində praktiki məşğələ keçirilib. Tədbirdə olimpiya və dünya çempionları da iştirak ediblər.
Crossmedia.az xəbər verir ki, məşğələyə Azərbaycan Xüsusi Olimpiya Komitəsinin prezidenti, olimpiya mükafatçısı Mövlud Mirəliyev, olimpiya çempionu Zelim Kotsoyev və dünya çempionu Əhməd Yusifov qatılıblar.
İdmançılar adaptiv cüdo qrupunun üzvləri ilə birlikdə tatamiyə çıxaraq müxtəlif hərəkət və tapşırıqları yerinə yetiriblər. Onlar uşaqlarla ünsiyyət quraraq məşğələdə fəal iştirak ediblər.
Tədbirin əsas məqsədi adaptiv cüdonun inkişafına, uşaqların fiziki hazırlığı ilə yanaşı, sosiallaşmasına və inklüzivliyin təşviqinə dəstək verməkdir.
21:33 31.10.2026
Oxunuş sayı: 49
