Polşada Konstitusiya Məhkəməsinin ləğvi təklif olunur
Polşa parlamentinin sədr müavini Şimon Holovnya Konstitusiya Məhkəməsinin mövcud vəziyyətdə fəaliyyətini davam etdirə bilməyəcəyini bildirərək qurumun ləğvini və ya köklü şəkildə yenidən qurulmasını təklif edib.
Crossmedia.az xarici KİV-ə istinadən xəbər verir ki, Şimon Holovnyanın sözlərinə görə, Konstitusiya Məhkəməsi hazırkı vəziyyətdə xilas edilə bilməz və ya tamamilə ləğv olunmalı, ya da yenidən formalaşdırılmalıdır.
O, siyasi böhranın davam etməsinin Polşaya milyonlarla avro dəyərində investisiya itkisinə səbəb ola biləcəyini vurğulayıb.
Oktyabrın 30-da Varşavada Konstitusiya Məhkəməsinin binası qarşısında etiraz aksiyası keçirilib. Bir qrup şəxs binaya daxil olmağa çalışsa da, polis onları saxlayıb. Aksiyada müxalifətdəki Hüquq və Ədalət Partiyasının lideri Yaroslav Kaçinski və keçmiş baş nazir Mateuş Moravetski də iştirak edib.
Gərginliyə məhkəmənin rəhbərliyi ilə bağlı yaranan mübahisə səbəb olub. Məhkəmənin saytında sədr Bohdan Sventçkovski və onun müavini Bartlomey Soxanskinin vəzifədən uzaqlaşdırıldığı barədə məlumat yerləşdirilib. Məhkəmənin ən uzun müddət fəaliyyət göstərən hakimi Anna Korvin-Piotrovska isə özünü müvəqqəti sədr elan edib.
Baş verənlər fonunda Polşa Prezidenti Karol Navrotski Seneqala səfərini yarımçıq saxlayaraq Varşavaya qayıtmaq qərarına gəlib.
20:57 31.10.2026
Oxunuş sayı: 56
