Xarici xəbərlər

Rusiya və Almaniya “Şimal axını”nı yenidən işə sala bilər

Rusiya və Almaniyanın birgə əməkdaşlığı “Şimal axını” qaz kəmərlərinin yenidən fəaliyyətə başlamasına imkan yarada bilər.

Crossmedia.az xəbər verir ki, “Lenta.ru” bu barədə məlumat yayıb.

Bu barədə Rusiya Prezidenti Vladimir Putinin xarici ölkələrlə investisiya və iqtisadi əməkdaşlıq üzrə xüsusi nümayəndəsi Kirill Dmitriyev “X” sosial şəbəkəsində yazıb.

Dmitriyev Almaniya üçün Alternativ Partiyasının (AfD) həmsədri Tino Xrupallanın “Şimal axını-1” və “Şimal axını-2” qaz kəmərlərində baş vermiş partlayışlarla bağlı beynəlxalq araşdırma aparılması, kəmərlərin təmiri və yenidən işə salınması ilə bağlı paylaşımına cavab olaraq bildirib ki, Rusiya və Almaniya birlikdə “Şimal axını”nın fəaliyyətini bərpa edə bilər.

Rusiya rəsmisi AfD-ni Almaniyanın enerji suverenliyi, rifah, sülh və əməkdaşlıq uğrunda mübarizə aparan siyasi qüvvə kimi təqdim edib.

Qeyd edək ki, Rusiya–Almaniya münasibətlərində “Şimal axını” ilə bağlı araşdırma məsələsi də gündəmdədir. Rusiya rəsmiləri kəmərlərdəki partlayışların sifarişçiləri və icraçıları ilə bağlı bir sıra sualların hələ də cavabsız qaldığını bildirirlər.

Mövzular:

Rusiya Almaniya Vladimir Putin Şimal axını-1 Rusiya–Almaniya münasibətləri enerji suverenliyi sülh

🖨 Çap et

17:52 26.09.2026

Oxunuş sayı: 38