Xarici xəbərlər

Si Cinpin ABŞ-dən Tayvanın müstəqilliyinə qarşı çıxmağı tələb edib

Çin Xalq Respublikasının lideri Si Cinpin ABŞ Prezidenti Donald Trampdan Tayvanın müstəqilliyi tərəfdarlarına qarşı mövqeyini açıq şəkildə ortaya qoymasını tələb edib.

Crossmedia.az xəbər verir ki, “TASS” bu barədə məlumat yayıb.

Çinin xarici işlər naziri Van İ bildirib ki, Si Cinpin Tramp ilə görüşündə Pekinin Tayvan məsələsində prinsipial mövqeyini diqqətə çatdırıb.

Van İnin sözlərinə görə, Çin lideri ABŞ tərəfini “düzgün mövqedə” dayanmağa və Tayvanın müstəqilliyi ideyasına qəti şəkildə qarşı çıxmağa çağırıb.

Si Cinpin Pekinin milli birliyi və ərazi bütövlüyünü qətiyyətlə müdafiə etdiyini vurğulayıb. Çin Xarici İşlər Nazirliyinin məlumatına görə, sentyabrın 24-də Si Cinpin və Donald Tramp Vaşinqtonda görüşərək ikitərəfli münasibətlərlə yanaşı, Tayvan məsələsini də müzakirə ediblər.

Görüş zamanı Si Cinpin ABŞ-nin Tayvan məsələsində ehtiyatlı davranmasının Çin-ABŞ strateji əməkdaşlığı və ikitərəfli münasibətlərin inkişafı üçün vacib olduğunu bildirib.

Mövzular:

ABŞ Çin Si Cinpin Donald Tramp Tayvan Çin Xarici İşlər Nazirliyi Çin-ABŞ strateji əməkdaşlığı

🖨 Çap et

17:09 26.09.2026

Oxunuş sayı: 41