Xarici xəbərlər

Maykl Şinin sənədli filmindən sonra Uelsdə zəhərli tullantılarla bağlı yeni addım atıldı

Hollivud aktyoru Maykl Şin Uelsin baş naziri Rhun ap Iorwerth ilə zəhərli tullantıların qanunsuz basdırılması ilə bağlı müzakirələr aparıb.

Crossmedia.az xəbər verir ki, “BBC” bu barədə məlumat yayıb.

Görüşdə Şinin “Buried” adlı sənədli filmində qaldırılan məsələlərin necə həll edilə biləcəyi müzakirə olunub. Aktyor görüşü “konstruktiv” adlandıraraq, prosesin ilkin mərhələdə olduğunu, lakin bunun ümidverici addım olduğunu bildirib.

Şinin sənədli filmi Uels və İngiltərədə 14 ərazidə zəhərli kimyəvi maddələrin basdırılması iddialarını araşdırır. Sənədli filmdən sonra həmin ərazilərin yaxınlığında yaşayan insanların qanında və torpaq nümunələrində xərçəngə səbəb ola bilən PCB maddələrinin yüksək səviyyəsi aşkarlanıb.

Şin ötən həftə Britaniya parlamentində çıxış edərək tarixi zəhərli tullantı sahələrinin təhlükəsizliyini yoxlamaq üçün ölkə üzrə test proqramının yaradılmasına çağırıb.

Mövzular:

Hollivud aktyoru Maykl Şin Uelsin baş naziri zəhərli tullantılar İngiltərə sənədli film zəhərli kimyəvi maddələr

🖨 Çap et

20:45 19.09.2026

Oxunuş sayı: 44