Xarici xəbərlər

İsrail Livan proqramını uğursuz sayır

İsrail Livanın cənubundakı ərazilərə nəzarətin Livan ordusuna verilməsi proqramının uğursuz olduğunu ABŞ-ə bildirib.

Crossmedia.az xəbər verir ki, “The Jerusalem Post” bu barədə məlumat yayıb.

Nəşrin məlumatına görə, İsrailin təhlükəsizlik strukturları Livan ordusunun “Hizbullah” infrastrukturunun məhv edilməsi ilə bağlı vəzifələri tam yerinə yetirmədiyini düşünür. Həmçinin ordunun İsrail tərəfindən təqdim edilən koordinatlardan istifadə etmədiyi bildirilir.

İsrailli zabitlər Livan ordusunun komandanı Rudolf Haykalın “Hizbullah”la birbaşa qarşıdurmadan yayındığını hesab edirlər. Məlumata görə, “Hizbullah”a qarşı ciddi təzyiqin olmaması səbəbindən İsrail proqramı Livanın cənubundakı digər ərazilərə genişləndirməyi hələlik planlaşdırmır.

Mövzular:

İsrail Rudolf Haykal Livan The Jerusalem Post zabit ordu ABŞ

🖨 Çap et

14:58 28.08.2026

Oxunuş sayı: 40