Ermənistan Türkiyə sərhədində iki keçid məntəqəsi açacaq
Ermənistan Türkiyə ilə sərhədin açılması çərçivəsində ən azı iki müasir keçid məntəqəsinin istifadəyə verilməsini planlaşdırır.
Crossmedia.az xəbər verir ki, bu barədə Ermənistan hökumətinin 2026–2031-ci illər üzrə proqram layihəsində qeyd olunub.
Sənəddə Ermənistan və Türkiyə arasında diplomatik münasibətlərin qurulması, sərhədin açılması və ən azı iki müasir sərhəd-keçid məntəqəsinin istifadəyə verilməsi istiqamətində işlərin aparılacağı bildirilib.
Proqramda həmçinin nəqliyyat, enerji və rəqəmsal infrastrukturun bərpası və genişləndirilməsi, eləcə də ikitərəfli və çoxtərəfli ticarətin inkişaf etdirilməsi nəzərdə tutulur.
Qeyd edək ki, Ermənistan-Türkiyə sərhədində “Marqara” keçid məntəqəsi artıq mövcuddur və iki ölkə arasında normallaşma prosesi çərçivəsində onun istifadəyə verilməsi ilə bağlı işlər aparılır.
12:22 20.08.2026
Oxunuş sayı: 44
