Britaniya İsrailə təzyiqi artırdı: E1 layihəsi hədəfdə
Böyük Britaniya Xarici İşlər Nazirliyi İsrailin Qüds ilə Maale Adumim arasındakı ərazidə məskunlaşma planına görə İsrailin müvəqqəti işlər vəkilini çağıraraq etirazını bildirib.
Crossmedia.az xəbər verir ki, Böyük Britaniyanın xarici işlər naziri Ed Milibənd bu barədə açıqlama verib.
Milibənd İsrailin E1 layihəsini qəbuledilməz və dağıdıcı addım adlandırıb.
Onun sözlərinə görə, layihənin həyata keçirilməsi iki dövlətli həllin reallaşdırılmasını təhlükə altına sala bilər.
Britaniyalı nazir İsrail hökumətini E1 məskunlaşma layihəsi üzrə planları dərhal dayandırmağa, tenderi geri çəkməyə və yaşayış məntəqələrinin genişləndirilməsinə son qoymağa çağırıb. Milibənd bu mövqeyi İsrailin xarici işlər naziri Gideon Saarın diqqətinə də çatdırdığını bildirib.
O qeyd edib ki, Böyük Britaniya iki dövlətli həllin məhv edilməsinə qarşı səssiz qalmayacaq.
E1 layihəsi Qüds ilə İsrailin Maale Adumim yaşayış məntəqəsi arasındakı ərazidə yeni tikililərin inşasını nəzərdə tutur. Layihənin həyata keçirilməsi Şərqi Qüds ətrafında, Yaşıl xəttdən kənarda yerləşən və işğal olunmuş Fələstin əraziləri hesab edilən ərazidə İsrail yaşayış məntəqələrinin genişlənməsinə səbəb ola bilər.
Qeyd edək ki, İsrail hökuməti daha əvvəl İordan çayının qərb sahilində yeni yaşayış məntəqələrinin tikintisini nəzərdə tutan E1 layihəsini yekun olaraq təsdiqləyib.
11:37 20.08.2026
Oxunuş sayı: 58
