Qırmızı xəttimizdir – Netanyahu Suriyada Türkiyə məsələsinə münasibət bildirdi
İsrail Baş naziri Benyamin Netanyahu Suriyada Türkiyəyə məxsus hərbi bazanın yaradılmasına qarşı olduqlarını bildirib.
Crossmedia.az xarici mediaya istinadən xəbər verir.
Netanyahu qeyd edib ki, belə bir addım İsrailin təhlükəsizliyi üçün təhdid yaradacaq.
“Biz heç bir şəraitdə Suriyada Türkiyə hərbi bazasının yaradılmasına imkan verməyəcəyik”, - deyə İsrail Baş naziri bildirib.
O əlavə edib ki, bu məsələ ilə bağlı qarşı tərəfə siqnal verilib, lakin onun fikrincə, həmin mesaj lazımi şəkildə başa düşülməyib.
“Buna görə də onların bunu daha yaxşı anlamaları üçün tədbirlər gördük”, - Netanyahu vurğulayıb.
22:26 19.08.2026
Oxunuş sayı: 58
