KİV: Paşinyan hökumət aparatının rəhbərini vəzifədən uzaqlaşdıra bilər
Ermənistanın Baş naziri Nikol Paşinyan hökumət aparatının rəhbəri Araik Arutyunyanı vəzifəsindən uzaqlaşdıra bilər.
Crossmedia.az xəbər verir ki, bu barədə Ermənistan KİV-i məlumat yayıb.
Məlumata görə, mümkün kadr dəyişikliyi Paşinyanın hakim "Vətəndaş Müqaviləsi" Partiyasının seçki qərargahının fəaliyyəti ilə bağlı narazılığı ilə əlaqələndirilir. Qərargaha rəhbərlik edən Araik Arutyunyanın rəhbərliyi dövründə bir sıra səhvlərə yol verildiyi iddia olunur.
Mənbələrin bildirdiyinə görə, qərargah baş nazirə partiyanın seçkilərdə konstitusiya çoxluğu qazana biləcəyi ilə bağlı reallığı əks etdirməyən, həddindən artıq nikbin proqnozlar təqdim edib.
Bundan əvvəl Ermənistan KİV-i hökumət aparatının rəhbəri vəzifəsinə baş nazirin baş müşaviri Lilit Makuntsun namizəd kimi nəzərdən keçirildiyini yazmışdı.
17:55 07.07.2026
Oxunuş sayı: 54
