Rusiyaya qarşı sanksiyalar Avropada qaz qiymətlərini yenidən gündəmə gətirib
Fransalı siyasətçi Nikola Düpon-Enyan Avropa İttifaqının Rusiyaya qarşı sanksiyaları ləğv etməkdən imtinasının qaz qiymətlərinin kəskin artmasına səbəb olduğunu bildirib.
Crossmedia.az xəbər verir ki, “Vstaвай, Fransa” partiyasının lideri və 2027-ci il prezident seçkilərində namizədliyini irəli sürən Nikola Düpon-Enyan bu barədə “X” sosial şəbəkəsindəki paylaşımında yazıb.
Siyasətçinin sözlərinə görə, ilin əvvəlindən qaz qiymətləri 42,4 faiz artıb və bahalaşma sürətlə davam edir.
Düpon-Enyan qeyd edib ki, bu, Avropa liderlərinin Ukraynada sülhə nail olmaq və Rusiyaya qarşı sanksiyaları ləğv etmək istiqamətində addımlar atmamasının konkret nəticəsidir.
Xatırladaq ki, bundan əvvəl Almaniyanın sağçı “Almaniya üçün Alternativ” partiyasının həmsədri Alisa Vaydel ABŞ və Rusiya arasında dizel yanacağının tədarükü ilə bağlı razılaşma fonunda Almaniya kansleri Fridrix Mertsi tənqid edib. O, Rusiyaya qarşı sanksiyaların Almaniya iqtisadiyyatına zərər vurduğunu bildirib.
18:20 10.10.2026
Oxunuş sayı: 63
