Çinin cənubunda güclü daşqınlar: minlərlə insan təxliyə edilib, ölənlər var
Çinin cənubunda güclü daşqınlar davam edir.
Crossmedia.az xəbər verir ki, Tayfun “Maysak”ın yaratdığı leysan yağışlar nəticəsində yaşayış məntəqələri su altında qalıb, on minlərlə insan təhlükəli ərazilərdən təxliyə edilib.
Ən ağır vəziyyət Quansi-Çjuan Muxtar Rayonunda müşahidə olunur.
Məlumata görə, bölgədə bəndlər dağılıb, evlər su altında qalıb, çaylarda suyun səviyyəsi kritik həddə çatıb.
Hazırda təbii fəlakət nəticəsində azı 4 nəfərin öldüyü, bir neçə sakinin isə itkin düşdüyü bildirilir.
Vəziyyəti qonşu Hubey və Hunan vilayətlərində baş verən fırtınaların nəticələri də çətinləşdirir. Xilasetmə xidmətləri axtarış və bərpa işlərini davam etdirir.
Bir sıra bölgələrdə təbii fəlakətlə mübarizə üçün fövqəladə rejim tətbiq olunub.
14:39 07.07.2026
Oxunuş sayı: 45
