Lavrovdan Kiyevə xəbərdarlıq: Lazım gələrsə, bütün tədbirlər görüləcək
Rusiyanın xarici işlər naziri Sergey Lavrov Belarusun Ukrayna münaqişəsinə cəlb edilməsinə cəhd göstərildiyini bildirib.
Crossmedia.az xəbər verir ki, bu barədə xarici KİV məlumat yayıb.
Lavrov Kiyevin Minskə qarşı səsləndirdiyi təhdidlərə diqqət çəkərək, Rusiya ilə Belarus arasında İttifaq Dövləti çərçivəsində təhlükəsizlik haqqında müqavilənin mövcud olduğunu xatırladıb. O qeyd edib ki, zərurət yaranacağı təqdirdə, həmin müqavilə çərçivəsində nəzərdə tutulan bütün tədbirlər həyata keçirilə bilər.
Nazir həmçinin vurğulayıb ki, Moskva və Minsk təhlükəsizlik məsələlərində sıx əməkdaşlıq edir və mümkün təhdidlərə qarşı birlikdə hərəkət etməyə hazırdır.
12:56 23.06.2026
Oxunuş sayı: 46
