“100% legitim parlament” iddiası siyasi qalmaqal yaratdı
Ermənistanın baş naziri Nikol Paşinyan müxalifətin parlament mandatlarından imtina etməsi ilə bağlı açıqlama verib.
Crossmedia.az bu barədə xarici mediaya istinadən xəbər verir.
Paşinyan bildirib:
“Əgər müxalifət mandatlardan imtina etsə, parlamentimiz 100% legitim olacaq. Əks halda parlament tribunasında heç bir siyasi dəyəri olmayan, sanki pul kisələri olan şəxsləri görməyə məcbur olacağıq.”
Baş nazirin sözlərinə görə, seçkilərdə real səs yalnız onun siyasi qüvvəsi tərəfindən qazanılıb, digər partiyalar isə seçki baryerini səs alveri və seçici ələ alınması hesabına keçib.
Paşinyan, həmçinin hakim “Vətəndaş Müqaviləsi” partiyası ilə “Çiçəklənən Ermənistan” partiyası arasında guya aparılan razılaşma barədə yayılan xəbərləri təkzib edib. O, belə bir razılaşmanın mümkün olmadığını bildirib və partiya lideri Qaqik Tsarukyanın “heç vaxt belə bir vəziyyətdə diz çökərək gəlməyəcəyini” iddia edib.
Məlumatda qeyd olunur ki, Rusiya Mərkəzi Seçki Komissiyasının sədri Ella Pamfilova seçkilərdə çoxsaylı pozuntular olduğunu açıqlayıb. Eyni iddialar ATƏT nümayəndələri tərəfindən də səsləndirilib.
16:53 11.06.2026
Oxunuş sayı: 44
