Xarici xəbərlər
İranda parlament iclasları təhlükəsizlik səbəbi ilə məhdudlaşdırıldı
İran Ali Milli Təhlükəsizlik Şurası parlamentin iclaslarının keçirilməsi ilə bağlı yeni açıqlama yayıb.
Crossmedia.az bu barədə xarici mediaya istinadən xəbər verir.
Açıqlamada bildirilib ki, ölkədə mövcud olan təhlükəsizlik vəziyyəti səbəbindən parlamentin həm qapalı, həm də plenar iclaslarının ənənəvi şəkildə keçirilməsi demək olar ki, mümkün deyil.
Şura qeyd edib ki, hazırkı şəraitdə millət vəkillərinin bir məkanda toplanması ciddi təhlükəsizlik riskləri yarada bilər. Bu səbəbdən parlament iclaslarının ya məhdud formatda, ya da alternativ üsullarla təşkil edildiyi bildirilir.
Həmçinin vurğulanıb ki, mövcud “müharibə şəraiti və təhlükəsizlik riskləri” fonunda parlamentin buraxılması ilə bağlı yayılan iddialar həqiqəti əks etdirmir və belə məlumatların yayılmaması tövsiyə olunur.
15:10 11.06.2026
Oxunuş sayı: 62
