Xarici xəbərlər
ABŞ vətəndaşlarını İraqı tərk etməyə çağırıb
ABŞ-nin Bağdaddakı səfirliyi İraqda yaşayan Amerika vətəndaşlarını maksimum ehtiyatlı olmağa və imkan daxilində ölkəni tərk etməyə çağırıb.
Crossmedia.az xəbər verir ki, bu barədə xarici KİV məlumat yayıb.
Bildirilib ki, regionda gərginliyin artması səbəbindən hava məkanının qəfil bağlanması və nəqliyyat əlaqələrində gözlənilməz fasilələrin yaranması ehtimalı var.
Məlumata görə, ABŞ hökuməti bəzi əməkdaşların ölkədən çıxarılması ilə bağlı göstəriş versə də, İraqdakı diplomatik missiya fəaliyyətini davam etdirir.
Açıqlamada həmçinin xatırladılıb ki, İraq ABŞ-nin səyahət tövsiyələri sistemində ən yüksək risk səviyyəsi hesab olunan 4-cü dərəcəli – “Səyahət etməyin” xəbərdarlığı altında qalır.
13:05 11.06.2026
Oxunuş sayı: 50
