Pezeşkian: Xameneyi ABŞ ilə danışıqların davamına icazə verib
Məsud Pezeşkian bildirib ki, mərhum ali lider Əli Xameneyi ABŞ ilə danışıqların davam etdirilməsinə razılıq verib.
Crossmedia.az bu barədə xarici mediaya istinadən xəbər verir.
Preziden mərhum ali liderin xatirəsinə həsr olunmuş mərasimdə çıxışı zamanı məlumat verib. O qeyd edib ki, Xameneyi dəfələrlə “nə müharibə, nə də sülh” vəziyyətinin davam etməməli olduğunu vurğulayıb.
Pezeşkianın sözlərinə görə, bəzi hallarda dövlət televiziyasında danışıqlara dair fərqli mesajlar yayımlandıqdan sonra məsələ yenidən müzakirə olunub və diplomatik çıxış yolu üzərində dayanılıb.
O əlavə edib ki, aparılan müzakirələrdən sonra ali lider ABŞ ilə danışıqların davam etdirilməsinə icazə verib və problemlərin yalnız diplomatik yollarla həllinin vacibliyi vurğulanıb.
17:24 10.06.2026
Oxunuş sayı: 1140
