Liviyada xüsusi qayğıya ehtiyacı olan uşaqlar üçün dəstək mərkəzi fəaliyyət göstərir
Liviyada xüsusi qayğıya ehtiyacı olan və öyrənmə çətinlikləri yaşayan bir çox uşaq dövlət məktəblərində təhsil ala bilmir. Buna səbəb məktəblərdə ixtisaslı mütəxəssislərin və zəruri resursların çatışmazlığıdır.
Crossmedia.az xəbər verir ki, bu problemin həlli məqsədilə iki qadın 2020-ci ildə paytaxt Tripolidən təxminən 80 kilometr aralıda yerləşən “Elim” adlı özəl mərkəz yaradıb. Mərkəz hər gün 40-dan çox uşaq və yeniyetməyə fərdi məşğələlər keçir, əsasən öyrənmə və nitq problemlərinin aradan qaldırılmasına dəstək göstərir.
Qeyd etmək lazımdır ki, paytaxtdakı digər özəl mərkəzlərin xidmətləri əksər ailələr üçün əlçatmaz olduğu halda, “Elim” aztəminatlı ailələrə dəstək məqsədilə yalnız simvolik ödəniş tələb edir.
01:49 10.06.2026
Oxunuş sayı: 39
