Xarici xəbərlər

ABŞ Kubaya İran dronları ilə bağlı XƏBƏRDARLIQ EDİB

ABŞ administrasiyası Kuba ilə bağlı mövqeyini sərtləşdirməyə hazırlaşır və Havananı yenidən "terrorçuluğun dövlət sponsoru” kimi qiymətləndirərək yeni sanksiyalar tətbiq edə bilər.

Crossmedia.az xəbər verir ki, bu barədə "Axios" nəşri məlumat yayıb.

Məlumata əsasən, Vaşinqton Kubanın İran və Rusiya ilə hərbi əlaqələrindən, xüsusilə də pilotsuz uçuş aparatları sahəsində əməkdaşlıqdan narahatdır.

Hesabatda bildirilir ki, Kuba 300-dən çox pilotsuz uçuş aparatı əldə edib və onların Quantanamo körfəzi ərazisində yerləşən ABŞ bazasına, hərbi gəmilərinə və hətta Florida ştatının Ki-Uest bölgəsinə qarşı istifadəsi ssenarilərini nəzərdən keçirir.

ABŞ rəsmiləri həmçinin Kuba qüvvələrinin Ukraynadakı müharibədə mümkün iştirak ehtimalından da narahat olduqlarını bildiriblər.

“Axios” qeyd edir ki, İran və Rusiyanın regiondakı təsiri fonunda terrorçu qruplardan narkotik kartellərinə qədər müxtəlif aktorların yaratdığı təhlükə də artır.

🖨 Çap et

17:31 18.05.2026

Oxunuş sayı: 45