Azərbaycan şahmatçıları Avropa Klub Kubokunda 2 medal qazanıblar
Azərbaycan şahmatçıları Monteneqronun Budva şəhərində keçirilən Avropa Klub Kubokunda bir qızıl və bir bürünc medal əldə ediblər.
Crossmedia.az-ın məlumatına görə, yarışda Aydın Süleymanlı və Gülnar Məmmədova fərdi nəticələrinə görə mükafatçılar sırasında yer alıblar.
“Vüqar Həşimov” klubunun heyətində çıxış edən Aydın Süleymanlı birinci lövhədə bürünc medal qazanıb.
“Odlar Yurdu” klubunu təmsil edən Gülnar Məmmədova isə dördüncü lövhədə qızıl medala layiq görülüb.
Kişilərin yarışında 10 xal toplayan “Vüqar Həşimov” komandası turniri 10-cu pillədə başa vurub.
Qadınların turnirində Azərbaycanın “Odlar Yurdu” və Serbiyanın “Sirmium Sremska Mitrovitsa” klubları hərəyə 10 xal toplayaraq 3–4-cü yerləri bölüşüblər. Əlavə göstəricilərə əsasən, Azərbaycan təmsilçisi 4-cü yerdə qərarlaşıb.
Qeyd edək ki, azərbaycanlı qrossmeyster Şəhriyar Məmmədyarovun heyətində çıxış etdiyi Türkiyənin “Baegan Pendik” klubu Avropa Klub Kubokunun qalibi olub.
15:04 24.10.2026
Oxunuş sayı: 57
